قصة رسالة جوال

قصة رسالة جوال
من زمن بعيد--->"قبل حوالي اسبوع" -->طبعا اللي بعيد عن حبيبه يصير عنده زمن بعيد
المهم واحد زميلي في العمل مجنون رسايل جوال -->"صدق مو صاحي" ماغير يرسل على هذا ويكتب لهذاك وطبعا اذا بيرسل لحد منا -->"اخوياه" مايروح يدور على الرقم من دفتر الجوال هو على طول يكتبه ويرسل لنا-->تقول هو دفتر الجوال.
الرجال هذا كان عنده رساله مالها داعي -->"يعني ماله داعي تعرفوها" الرساله من هالكلام المنمق الوسخ جدا جدا --->"قايل له يبيلك غسيل لسان" المهم وانا بعد ما سلمت من هالرساله اللي تقول غيمة سوداء تصبغ كل مكان.
المهم ارسل لي "ن" وارسل لصاحبي"ا" وارسل لابن عمه"ج"
وارسل "لابوه" اخ اخ واي
نعم بالغلط يدعس الرقم وكان يكتب رقم ابوه!!!!!!!!
حاول بكل الطرق انه يوقف الرساله لكن مافيه امل طارت الرسالة بفضيحتها وهو شوي تقلبت الوانه وانعفط فوق تحت!
ويقول وش اسوي اكيد الرساله الحين وصلت عنده وقراها والله انه ما يقوم اليوم يرفع راسه من التهزيء والشتايم "انت لا وهذا انا افكرك عاقل ومؤدب طلعت خبيث و لعين قم اطلع عن بيتي لا وراسللي هالرساله اللي زي وجهك سود الله وجهك من ولد"-->طبعا هذا تفكير صاحبنا
المهم الرجال هذا راح بيتهم ويستقبله الوالد هلا"ا"تعال تعشى "صاحبنا" لا بس مابي شيء"الوالد" مايصير تعال عندي لك سالفه"صاحبنا" بل!!!! رحنا فيها تكفخنا اليوم!
المهم صاحبنا قعد على السفرة يتعشى معه وسوالف وضحك مع الوالد وكان شيء لم يكن!
صاحبنا استسلم وقال الضاهر ان الرساله ماوصلت له يعني سلمنا "بييييب بيييييب بيييب" جوال الوالد يعلن عن وصول الرساله الهاجه من جوال صاحبنا في تمام الساعه الثامنه مساء يرجى من الوالد فتح الرساله للتاكد من الرساله وشكرا
صاحبنا سمع الجوال "بييييييييب بيييييييب بيييييب" -->صارت غير ما عليه مايهم خلينا نشوف وشلون صار وجه صاحبنا بوصول رسالته الى الوالد
ويقوم الوالد باخراج جواله من جيب ثوبه الممزق تمزيقا --->"امزح" وهو ياكل العشا مو مهتم من الرساله على باله رساله عاديه من شركة الاتصالات تقوله"يالله من مال الله"
المهم الوالد جلس يقرا الرساله وقعد فيها يمكن ثلاثة ايام بلياليها وهو يقرا الرساله حقت صاحبنا!!!!
المهم بعد مرور نحو ثلاثة ايام وليلتين قام الوالد اخيرا باستيعاب محتوى الرساله ويقوم من على العشا وهو وجهه متغير مولع نار "صاحبنا" وينه ما شوفه وين راح ----->"هنا لا موهنيه"<---------"هنا لا مو هنيه"
ايه هذا هو ---->" "
المهم الوالد ينادي على صاحبنا من غرفة الوالد
"صاحبنا" بل!!! جاك الموت ياتارك الصلاة
نعم يبه جايك الحين -->يمشي وهو يجر نفسه من الخوف
وصل الى غرفة الوالد --->"صاحبنا" نعم يبه
الوالد"وحطبه ليش تاخرت" لا ان ان انا كنت اتعشى ايه اتت اتت عشى " تعال ياولدي ما ادري مين اللى راسل لي هذي الرساله الوسخه الله يقطع اولاد اليوم
يقول "صاحبنا" ما ارتحت الا لما تاكدت ان اسمي طلع مو مخزن في جوال الوالد ولا يعرفه اصلا!!!!
"صاحبنا" خلهم عنك يبه هذولي اكيد ناس منحطين اخلاقيا
وماعندهم ادب مره--->وهو ياشر على نفسه
خلهم عنك يبه وقام صاحبنا بمسح الرساله واسمه من جوال الوالد
وبعدين

ممتازة القصة دية

من الطرائف والمواقف الحلوه اللي تحصل معانا
قصه كثير حلوه
يسلموا('')]